ᐅᖃᐅᓯᖃᕐᓂᖅ ᓄᓇᒥᐅᑦ ᐱᖃᓐᓇᕇᓂᒃ
ᑕᕐᕆᔭᖃᑎᒋᓗᒍ ᕿᑐᕐᖓᐃᑦ ᓄᓇᒥᐅᑦ ᐱᖃᓐᓇᕇᓂᒃ ᐅᖃᐅᓯᖃᓕᕈᓐᓇᕋᔅᓯᒃ ᐃᒃᐱᖕᓂᐊᓂᕐᓂᒃ ᐊᔾᔨᒌᙱᑦᑐᓂᒃ. ᑕᕐᕆᔮᒃᓴᓂᒃ ᓂᕈᐊᖅᖠᖅᐸᒡᓗᑎᑦ ᐅᖃᐅᓯᕆᔪᒪᔭᕐᓂᒃ ᓄᑕᖅᑲᓄᑦ ᐃᒃᐱᖕᓂᐊᕐᔪᐊᕐᓂᐅᔪᓂᒃ.
ᕿᑐᕐᖓᐃᑦ ᑕᕐᕆᔭᖃᑎᒋᓚᐅᕐᓗᒍ ᐅᖃᐅᓯᕆᓕᕐᒥᓗᒋᑦ ᑕᕐᕆᔭᖅᑲᐅᔭᓯᓐᓂᒃ, ᑐᑭᓯᑎᑦᑐᓐᓇᖅᑕᑦ ᐃᒃᐱᖕᓂᐊᓂᖏᓐᓂᒃ. ᑐᑭᓯᓕᕐᓂᐊᖅᑐᑦ ᐅᓂᒃᑳᖅ, ᑕᐅᔪᑦ ᓇᐅᒃᑰᕐᒪᖔᑕ, ᐅᖃᓪᓚᖕᓂᒃᑯᑦ, ᐃᓕᓴᖅᓯᔪᓐᓇᖅᓯᓗᑎᒃ ᐃᓅᓯᖏᓐᓂ ᐊᑐᖅᐸᒃᑕᖏᓐᓂᒃ.
ᑕᕐᕆᔮᓂᒃᑯᔅᓯᒃ, ᐅᑎᕐᕕᖃᕈᓐᓇᖅᑐᑎᑦ ᕿᑐᕐᖓᐃᑦ ᐊᐱᖅᓱᕐᓗᒍ ᐅᑯᓂᖓ ᐊᐱᖅᑯᑎᓂᒃ ᓲᕐᓗ:
“ᐃᒃᐱᒍᓱᓚᐅᖅᓯᒪᕕᑦ ᑐᑲᑐᑦ?”
“ᖃᓄᐃᑉᐸᒃᐱᑦ ᐃᒃᐱᒍᓱᓕᕌᖓᕕᑦ ᖁᒃᓴᓱᖕᓂᕐᒥᒃ?”
“ᓂᙵᒃᑳᖓᕕᑦ, ᓇᐅᒃᑯᑦ ᑎᒥᖕᓂ ᐃᒃᐱᒍᓱᒃᐸᒃᐱᑦ?
“ᐊᔾᔨᒋᙱᑕᖓᓂᒃ ᖃᓄᐃᓕᐅᖔᕈᓐᓇᖅᐱᑦ ᐊᑲᖅᓴᕈᓐᓃᕐᓂᕈᕕᑦ?”
“ᐱᖃᓐᓇᕆᔭᕐᓂᑦ ᐃᑲᔪᖅᑕᐅᓚᐅᖅᓯᒪᕕᑦ ᓴᐃᓪᓕᑎᑕᐅᓪᓗᑎᑦ? ᖃᓄᖅ ᐱᖕᒪᑕ ᐊᑲᐅᓯᓂᖅᓴᐅᓕᓚᐅᖅᐱᑦ?”