ᐃᙱᕈᑎᒋᓗᒋᑦ ᐃᒃᐱᖕᓂᐊᓂᑎᑦ
ᑖᓐᓇ ᐱᓕᕆᐊᒃᓴᖅ ᐃᙱᕐᓂᐅᔪᖅ ᓄᑕᖅᑲᑦ ᐃᙱᒐᖓᓂᒃ “ᖁᕕᐊᓱᒻᒪᕆᒃᑯᕕᑦ ᐸᑦᑕᒋᑦ,” ᑭᓯᐊᓂ ᐊᑐᖔᕐᓗᑎᑦ ᐃᒃᐱᖕᓂᐊᓂᕐᓂᒃ ᐊᔾᔨᒌᙱᑦᑐᓂᒃ ᑕᒪᐃᓐᓂᒃ ᐱᒋᐊᑦᑎᐊᕌᖓᕕᑦ ᐊᓯᔾᔨᖅᐸᒡᓗᒋᑦ:
ᐱᒋᐊᕈᑎᖃᕈᓐᓇᖅᑐᑎᑦ ᐅᖃᖅᑕᐅᕙᒃᑐᒥᒃ ᖁᕕᐊᓱᒻᒪᕆᖕᓂᕐᒥᒃ:
ᖁᕕᐊᓱᒻᒪᕆᒃᑯᕕᑦ, ᐸᑦᑕᒋᑦ, ᖁᕕᐊᓱᒻᒪᕆᒃᑯᕕᑦ, ᐸᑦᑕᒋᑦ, ᖁᕕᐊᓱᒻᒪᕆᒃᑯᕕᑦ, ᖃᐅᔨᒪᒻᒪᕆᒡᓗᑎᑦ, ᖁᕕᐊᓱᒻᒪᕆᒃᑯᕕᑦ, ᐸᑦᑕᒋᑦ,
ᐱᒋᐊᒃᑲᓂᖅᐸᒡᓗᑎᑦ ᐊᓯᐊᓂᒃ ᐃᒃᐱᖕᓂᐊᓂᕐᒥᒃ ᐊᑐᕐᓗᑎᑦ:
ᓂᙵᒃᓴᕋᐃᑦᑐᖅ: ᓂᙵᒃᓴᕋᐃᒃᑯᕕᑦ, ᐊᓐᓄᒋᑦ
ᓂᙵᐅᒪᒍᕕᑦ: ᓂᙵᐅᒪᒍᕕᑦ, ᑐᒃᑲᕆᑦ
ᖁᕕᐊᑦᑕᒃᓯᒪᒍᕕᑦ: ᖁᕕᐊᑦᑕᒃᓯᒪᒍᕕᑦ, ᕿᒡᒋᖅᑕᕆᑦ
ᖁᒃᓴᓂᖅ: ᖁᒃᓴᒍᕕᑦ, ᐊᒡᒐᑎᑦ ᐃᔅᓱᒃᑭᑦ ᐃᓱᒫᓗᖕᓂᖅ: ᐃᓱᒫᓗᒃᑯᕕᑦ, ᖃᓃᑦ ᑮᒍᒃ
ᓄᒫᓱᖕᓂᖅ: ᓄᒫᓱᒃᑯᕕᑦ, ᐅᑯᖓᒋᑦ
ᓴᐃᓪᓕᖓᓂᖅ: ᓴᐃᓪᓕᖓᒍᕕᑦ, ᐊᓂᖅᓴᐅᒥᒋᑦ
ᐊᑲᖅᓴᙱᓐᓂᖅ: ᐊᑲᖅᓴᙱᒃᑯᕕᑦ, ᐅᐃᕐᔪᐊᕆᑦ
ᐃᙱᐅᓯᑦᑎᐊᕙᐅᕗᖅ ᑖᓐᓇ ᐱᔾᔪᑎᒋᓪᓗᒍ ᓄᑕᖅᑲᑦ ᐅᖃᕈᓐᓇᕐᒪᑕ ᐃᒃᐱᖕᓂᐊᓂᕐᓂᒃ ᐋᖅᑭᒃᓯᑎᓪᓗᒋᓪᓗ ᖃᓄᖅ ᑖᔅᓱᒥᖓ ᓇᓗᓇᐃᖅᓯᔪᓐᓇᕐᒪᖔᑕ ᐊᐅᓚᓂᒃᑯᑦ. ᓄᑕᖅᑲᑦ ᐊᓕᐊᓇᐃᒋᔭᖃᕐᒪᑕ ᐋᖅᑭᒃᓯᔪᓐᓇᕐᓂᕐᒥᒃ ᐃᓱᒪᖅᓱᕐᓗᑎᒃ ᐊᐅᓚᓂᒃᑯᓪᓗ ᓇᓗᓇᐃᖅᓯᓗᑎᒃ ᐊᕿᑦᑐᖓᓴᒃᑲᓗᐊᕐᓗᑎᒃ.