ᑲᑎᒃᑭᑦ ᓄᓇᒥᐅᑦ ᐱᖃᓐᓇᕇᑦ ᖃᕋᓴᐅᔭᒃᑯᑦ!
ᐱᔭᒃᓴᑦᑎᐊᕙᒃᑕᖃᖅᐳᖅ ᕿᑐᕐᖓᐃᑦ ᐱᓕᕆᖃᑎᒋᓗᒍ ᐅᖃᓕᒫᕐᓗᒋᑦ ᐅᓂᒃᑳᕆᔭᐅᔪᑦ ᐃᑭᐊᖅᑭᕕᖕᒦᑦᑐᑦ.
ᐅᓂᒃᑳᖅᑕᐅᔪᑦ ᓄᓇᒥᐅᑦ ᐱᖃᓐᓇᕇᑦ ᑕᕐᕆᔮᒃᓴᒥ ᐃᓕᖅᑯᓯᖏᑦ ᒪᓕᒡᓗᒋᑦ ᐃᒃᐱᖕᓂᐊᓂᖃᖅᐸᒃᐳᑦ ᐃᓕᓐᓂᐊᕈᑕᐅᓂᐊᖅᑐᒥᒃ.
ᐃᓕᔅᓯᐅᓗᓯᒃ, ᕿᑐᕐᖓᐃᓪᓗ ᐅᖃᐅᓯᖃᕈᓐᓇᖅᐳᓯᒃ ᐃᒃᐱᖕᓂᐊᓂᕐᓂᒃ ᐊᔾᔨᒌᙱᑦᑐᓂᒃ ᐅᓂᒃᑳᖅᑕᐅᔪᑦ ᖃᓄᐃᓕᐅᕐᓂᖏᒃ ᒪᓕᒡᓗᒋᑦ ᐅᖃᐅᓯᖃᓕᕐᓗᓯᒡᓗ ᑕᐃᒪᐃᑦᑐᒃᑰᕐᓂᕆᓚᐅᖅᑕᖓᓂᒃ. ᐊᐱᕆᔪᓐᓇᕐᒥᔭᑦ ᓇᓕᐊᖕᓂᒃ ᐅᓂᒃᑳᖅᑕᐅᔪᒥᒃ ᐊᔾᔨᖃᓛᖑᖕᒪᖔᑦ.
ᖃᐅᔨᒋᐊᖅᓯᐅᒃ ᐃᑭᐊᖅᑭᕕᑦ ᐊᑕᐅᑦᑎᒃᑯᑦ:
ᕿᑐᕐᖓᑦ ᑎᒍᒥᐊᕐᓗᒍ ᓵᖕᓂ, ᖃᐅᔨᒋᐊᖅᓯᐅᒃ “ᑲᑎᓯᐅᒃ ᓄᓇᒥᐅᑦ ᐱᖃᓐᓇᕇᑦ” ᐃᑭᐊᖅᑭᕕᒃᑯᑦ ᖃᕋᓴᐅᔭᒃᑯᑦ, ᐅᖄᓚᐅᑎᕋᓛᒃᑯᑦ, ᐅᕝᕙᓘᓐᓃᑦ ᐊᖏᓂᖅᓴᒃᑯᑦ.
ᕿᑐᕐᖓᑦ ᓇᕿᑦᑎᑎᑉᐸᒡᓗᒍ ᐅᓂᒃᑳᖅᑕᐅᔪᓂᒃ ᐅᖃᓕᒫᓕᖅᐸᒡᓗᒋᑦ ᓇᓗᓇᐃᔭᐃᔪᑦ ᑖᔅᓱᒪ ᒥᒃᓵᓄᑦ ᓂᐱᖃᕐᓗᑎᑦ.
ᕿᑐᕐᖓᑦ ᐊᐱᕆᕙᒡᓗᒍ ᐃᒃᐱᒋᓚᐅᖅᓯᒪᖕᒪᖔᑦ ᑕᐃᒪᓐᓇ ᐃᒃᐱᖕᓂᐊᓂᕐᒥᒃ.
ᐅᖃᓕᒫᕌᓂᒃᑯᕕᒋᑦ ᑕᒪᕐᒥᒃ ᐅᓂᒃᑳᖅᑕᐅᔪᓂᒃ ᓇᓗᓇᐃᔭᐃᔪᑦ, ᐊᐱᕆᓕᕐᒥᓗᒍ ᕿᑐᕐᖓᑦ ᓇᓕᐊᖕᓂᒃ ᐊᔾᔨᖃᕋᓱᒋᖕᒪᖔ ᐊᒻᒪ ᖃᓄᐃᒻᒪᑦ?
ᐅᕝᕙᐅᑯᐊ ᓇᐃᓈᖅᑐᒥᒃ ᑎᑎᕋᖅᓯᒪᔪᑦ ᐅᓂᒃᑳᖅᑕᐅᔪᑦ ᐃᒃᐱᖕᓂᐊᓂᕐᒥᒃ ᓇᓗᓇᐃᖅᓯᓯᒪᔪᑦ:
ᑎᐅ−ᑎᐅ (ᖃᐅᓪᓗᖅᑖᖅ) − ᓂᙵᐅᒪᔪᖅ, ᓂᙵᓕᖅᑐᖅ
ᐅᒃᐱᒃ (ᐅᒃᐱᒡᔪᐊᖅ) − ᐃᕿᐊᙳᖅᓯᒪᔪᖅ, ᓄᖅᑲᖔᙳᖅᑐᖅ
ᕕᕕ (ᐊᐃᕕᖅ) − ᓂᕆᐅᖕᓂᓕᒃ, ᐸᓯᔭᒃᓴᐅᙱᑦᑐᖅ
ᓇᐅᑲ (ᓇᐅᔭ) − ᓈᒻᒪᒃᑐᓂᒃ ᑕᐅᑐᒃᑎ, ᑲᔪᖏᖅᓴᐃᒃᑲᖅ
ᓇᑦᑎ (ᓇᑦᑎᖅ) − ᐱᙳᐊᕈᒻᒪᖅ, ᓇᒡᓕᖕᓂᓕᒃ
ᐊᕿ (ᐊᕿᒡᒋᖅ) − ᓄᒫᓱᒃᑐᖅ, ᑭᐱᙳᔪᖅ
ᑐᑲ (ᑐᒃᑐ) − ᖁᒃᓴᔪᖅ, ᐃᓱᒫᓗᒃᑐᖅ
ᓯᔅᓯ (ᓯᒃᓯᒃ) − ᓯᖕᓇᔪᖅ, ᓂᙵᒃᓴᕋᐃᑦᑐᖅ
ᐅᒃᐱᒃ (ᐅᒃᐱᒡᔪᐊᖅ) − ᐃᕿᐊᙳᖅᓯᒪᔪᖅ, ᓄᖅᑲᖔᙳᖅᑐᖅ
ᒥᑭ (ᐊᕕᙵᖅ) − ᓂᐱᑭᑦᑐᖅ, ᓴᐃᓕᔪᖅ
ᑕᖁ (ᕿᒻᒥᖅ) − ᐸᖁᓪᓗᖅ, ᐱᔪᒃᓰᓐᓇᐅᔭᖅᑐᖅ
ᐅᒥ (ᐅᒥᖕᒪᒃ) − ᐃᓱᒫᔾᔪᕆᒃᑐᖅ, ᐳᐃᒍᑐᔪᖅ