ᕿᑐᕐᖓᐃᑦ ᓯᕘᕋᓕᖅᐸᑦ, ᐊᑲᖅᓴᙱᑉᐸᑦ ᖃᓄᑐᐃᓐᓇᕐᓘᓪᓖᑦ ᐃᒃᐱᒍᓱᓗᐊᓕᖅᐸᑦ, ᑎᑎᕋᐅᔭᖁᔪᓐᓇᖅᑕᑦ ᐃᒃᐱᒋᔭᒥᓂᒃ.

ᑖᓐᓇ ᐱᓕᕆᐊᒃᓴᖅ ᓈᒻᒪᒃᑐᒃᑯᑦ ᐃᒃᐱᖕᓂᐊᓂᕐᓂᒃ ᐊᓂᐊᑦᑎᔪᓐᓇᕐᓂᐅᔪᖅ ᓈᒻᒪᙱᑦᑐᒃᑰᕐᓂᐅᓇᔭᖅᑐᕕᓂᐅᑎᓪᓗᒋᑦ. ᐃᒃᐱᖕᓂᐊᕐᓂᕐᓂᒃ ᐱᔾᔪᑎᖃᕐᓗᑎᒃ ᓄᑕᖅᑲᑦ, ᑎᑎᕋᐅᔭᕐᓂᒃᑯᑦ  ᖃᐅᔨᒪᓕᕐᓗᑎᒃ ᖃᓄᐃᓕᐅᕆᐊᒃᓴᖅ ᐃᒃᐱᒍᓱᓕᕐᓂᕈᑎᒃ.

ᑎᑎᕋᐅᔮᓂᒃᐸᑕ, ᐅᖃᐅᓯᖃᖁᓗᒋᑦ ᑎᑎᕋᐅᔭᖅᑕᖓᓂᒃ ᓇᓕᐊᖕᓂᒡᓗ ᐃᒃᐱᖕᓂᐊᓂᕐᒥᒃ ᐱᔾᔪᑎᖃᕐᒪᖔᑦ. ᑖᒃᑯᐊ ᐅᖃᓪᓗᕆᒃᓴᐅᑎᖃᕐᓃᑦ ᐃᑲᔪᕈᓐᓇᖅᐳᑦ ᕿᑐᕐᖓᕐᓂᒃ ᑕᐃᓯᔪᓐᓇᖅᓯᑎᑦᑎᓗᑎᒃ ᐃᒃᐱᖕᓂᐊᓂᖏᓐᓂᒃ.