ᓴᐃᓪᓕᔾᔫᒥᓂᖅ
ᐅᖃᓪᓚᖃᑎᒋᓗᒍ ᕿᑐᕐᖓᐃᑦ ᐃᓱᒪᒃᓴᖅᓯᐅᕐᓗᑎᑦ ᖃᓄᖅ ᓴᐃᓪᓕᔾᔫᒥᓇᔭᕐᒪᖔᖅᐱᑦ ᐊᑲᖅᓴᙱᒃᑯᕕᑦ ᓂᙵᒃᑯᕕᓪᓘᓐᓃᑦ.
ᐊᒥᓲᖕᒪᑕ ᐱᓕᕆᐊᒃᓴᑦ ᐊᓯᔾᔩᔪᓐᓇᖅᑐᑦ ᐃᒃᐱᖕᓂᐊᓂᕆᔭᑦᑎᓐᓂᒃ.
ᐱᓕᕆᖃᑎᒌᒡᓗᓯ ᑎᑎᕋᕈᓐᓇᖅᑐᓯ ᐃᓱᒪᒋᔭᔅᓯᓐᓂᒃ ᓂᐱᑎᓪᓗᒋᓪᓗ ᖁᐊᖃᐅᑎᔅᓯᓐᓄᑦ ᐃᓚᔮᕇᓯᒍᑦ ᑕᑯᖃᑦᑕᕐᓂᐊᕋᔅᓯᐅᒃ ᐃᓱᒪᑖᕈᑎᒋᕙᒡᓗᓯᐅᒡᓗ ᐊᑲᖅᓴᕈᓐᓃᕌᖓᔅᓯ.
ᐅᕝᕙᐅᑯᐊ ᐃᓱᒪᒋᔭᐅᔪᓐᓇᖅᑐᑦ ᕿᑐᕐᖓᐃᑦ ᐅᖃᓪᓚᖃᑎᒋᓕᕈᕕᐅᒃ:
- ᐊᓂᖅᓵᕐᔪᐊᖃᑦᑕᕐᓂᖅ: ᓂᐅᕐᓗᑎᑦ 4ᒧᑦ ᓈᓴᐃᓂᕐᓂ, ᓄᖅᑲᖔᖅᑎᓪᓗᖑ 4ᒧᑦ ᓈᓴᐃᓂᕐᓂ, ᐊᓂᖅᓵᓗᑎᓪᓗ 4ᒧᑦ ᓈᓴᐃᓗᑎᑦ
- ᐱᓱᑲᑕᒡᓗᑎᑦ ᓯᓚᒥ ᐃᓱᒪᐃᑦ ᓴᐃᓪᓕᑎᓐᓇᓱᒡᓗᒍ
- ᑐᒃᑲᕆᐊᓕᖕᓄᑦ ᐃᖏᕐᕋᔭᒡᓗᑎᑦ
- ᐊᓯᖏᓐᓂᒃ ᐱᖃᐃᓕᓴᕐᓗᑎᑦ
- ᔫᒐᐅᓂᕋᖅᑕᐅᔪᓂᒃ ᐱᖃᐃᓕᓴᕐᓗᑎᑦ, ᐅᑯᖓᓗᑎᑦ ᕿᒻᒥᖅᑐᑦ ᐊᒻᒪ ᖁᒻᒧᑦ ᕿᕕᕐᓗᑎᑦ
- ᐅᖃᓪᓚᖃᑎᒋᓗᒍ ᐱᖃᓐᓇᕆᔭᑦ
- ᐊᓂᖅᓵᕐᔪᐊᑲᑕᒡᓗᑎᑦ ᓂᕐᕋᓚᖓᓗᑎᑦ ᐆᒪᔪᙳᐊᒥᒃ ᐃᓗᓪᓕᖅᓱᖅᓯᒪᔪᒥᒃ ᓈᕐᓄᐊᖅᓯᓗᑎᑦ ᑕᐅᑐᒡᓗᒍ ᖁᒻᒧᒃᐸᒃᑐᖅ ᐊᒻᒧᒃᐸᒃᑐᕐᓗ ᐊᓂᖅᓵᕐᔪᐊᑲᑕᒃᑎᓪᓗᑎᑦ.