ᐆᒃᑐᕋᕐᓂᖅ!
ᐱᙳᐊᖃᑎᒋᒃᑭᑦ ᕿᑐᕐᖓᑎᑦ “ᐃᒃᐱᖕᓂᐊᓂᖅ” ᐱᔾᔪᑎᒋᓗᒍ ᐆᒃᑐᕋᕐᓂᒃᑯᑦ. ᐊᔾᔨᑲᓴᖓ ᐱᙳᐊᕐᓂᐅᑉ ᐆᒃᑐᕋᕐᓂᖅ, ᑭᓯᐊᓂ ᑖᓐᓇ, ᐱᙳᐊᖃᑕᐅᔪᑦ ᐃᒃᐱᖕᓂᐊᓂᕐᒥᒃ ᖃᓄᐃᙳᐊᕐᓗᓂ ᐅᖃᓪᓚᙱᓪᓗᓂ, ᐱᙳᐊᖃᑕᐅᔪᑦ ᓇᓚᐅᑦᑎᓇᓱᒃᐸᒡᓗᑎᒃ ᑭᓲᖕᒪᖔᑦ ᐃᒃᐱᖕᓂᐊᓂᖅ ᐆᒃᑐᕋᖅᑕᖓ.
ᐊᓕᐊᓇᐃᑦᑐᓐᓇᖅᑐᖅ ᖃᑕᙳᑎᒌᓄᑦ, ᖃᐅᔨᕚᓪᓕᕈᑎᒋᔭᐅᔪᓐᓇᕐᒪᑦ ᖃᓄᐃᓕᐅᕆᐊᖃᕐᒪᖔᑕ ᐃᒃᐱᒍᓱᒡᓗᓂ ᐊᓯᒥᓂᒡᓗ ᑐᑭᓯᐊᓂᖅᓴᐅᓕᕐᓗᑎᒃ.
ᐱᙳᐊᖅᑕᐅᔪᓐᓇᖅᑐᖅ ᐊᕕᒃᑐᖅᓯᒪᙱᒃᑲᓗᐊᕐᓗᑎᒃ, ᒪᕐᕈᐃᓕᖓᓗᑎᒡᓘᓐᓃᑦ. ᐊᑕᐅᓯᐅᑦᑕᕐᓗᑎᒃ ᐆᒃᑐᕋᖃᑦᑕᕐᓗᑎᒃ ᐃᒃᐱᖕᓂᐊᓂᕐᒥᒃ. ᐊᕕᒃᑐᖅᓯᒪᒃᐸᑕ, ᖃᐅᔨᓴᐅᑦ ᒪᓕᒡᓗᒍ ᑭᒃᑯᑦ ᓇᓚᐅᑦᑎᔪᓐᓇᕐᒪᖔᑕ ᐃᑲᕐᕌᕈᓯᕐᒥ ᓇᑉᐸᖓᑕᓘᓐᓃᑦ ᑐᖔᓂ. ᑎᑎᖅᓯᕙᓪᓕᐊᔪᓐᓇᖅᑐᑎᑦ ᓇᓕᐊᒃ ᓇᓚᐅᑦᑎᔭᕌᖓᑦ ᐱᕙᓪᓕᐊᓂᖏᑦ ᒪᓕᒡᓗᒋᑦ.
ᐱᙳᐊᕐᓂᖅ
ᐱᒋᐊᕐᓂᕐᒥ, ᐃᒃᐱᖕᓂᐊᓂᕐᓂᒃ ᑎᑎᕋᕐᓗᑎᑦ ᐊᓕᓚᔪᒃᑯᑦ, ᐅᕝᕙᓘᓪᓖᑦ ᑎᑎᕋᐅᔭᕐᓗᑎᑦ ᑮᓇᙳᐊᓂᒃ ᐃᒃᐱᒍᓱᙳᐊᖅᑐᓂᒃ ᐅᖃᓕᒫᕈᓐᓇᙱᑉᐸᑕ ᓱᓕ, ᐴᕐᓗᒋᓪᓗ ᓇᓴᕐᒧᑦ.
ᐱᙳᐊᖃᑕᐅᔪᑦ ᑎᒍᓯᓚᐅᕐᓗᑎᒃ ᐃᒃᐱᖕᓂᐊᓂᕐᒥᒃ ᓇᓴᕐᒥᑦ ᐆᒃᑐᕋᓕᕐᓗᑎᒃ ᖃᓄᐃᓕᖓᓇᔭᕐᒪᖔᑦ ᓇᓚᐅᑦᑐᖃᕋᓱᖕᓂᖓᓂ.
ᑖᓐᓇ ᐱᓕᕆᐊᒃᓴᖅ ᑕᑯᑎᑦᑎᓲᖑᕗᖅ ᓄᑕᖅᑲᓂᒃ ᐃᒃᐱᖕᓂᐊᓂᕐᓂᒃ ᐃᓕᓴᖅᓯᔪᓐᓇᖅᓯᑎᑦᑎᓪᓗᓂᓗ ᐊᓯᒥ ᑕᑯᒑᖓᒥᒃ ᐃᒃᐱᒍᓱᒃᑐᓂᒃ, ᑐᑭᓯᐊᓕᕐᓗᕐᓗᑎᒡᓗ ᐃᒻᒥᓂᒃ ᐃᒃᐱᒍᓱᓕᕈᑎᒃ ᐃᒃᐱᖕᓂᐊᓂᕐᒥᒃ. ᑖᓐᓇᑦᑕᐅᖅ ᐊᖓᔪᖅᑳᕆᔭᐅᔪᓂᒃ ᑐᑭᓯᑎᑦᑎᔪᓐᓇᕆᕗᖅ ᕿᑐᕐᖓᖏᑦ ᐃᒃᐱᒍᓱᓕᖅᐸᑕ ᖃᓄᐃᒻᒪᖔᑕ. ᐱᓗᐊᖅᑐᒥᒃ, ᑕᒪᐃᓐᓄᑦ ᐃᑲᔪᕈᓐᓇᕐᒪᑦ ᐅᖃᓪᓚᖃᑎᒌᒍᓐᓇᖅᓯᓗᑎᒃ ᐊᒃᓱᕈᓗᐊᖅᑐᖃᓕᕐᓂᖅᐸᑦ ᐃᒃᐱᒍᓱᖕᓂᕐᒥᓄᑦ.
ᐃᒃᐱᖕᓂᐊᓃᑦ:
ᖁᕕᐊᓱᒃᑐᖅ – happy
ᓴᐃᓕᔪᖅ – calm
ᐱᓕᕆᓪᓚᕆᒃᑐᖅ – focused
ᐃᓄᖅᑭᒃᑐᖅ – cheerful
ᐊᑲᐅᒃᓴᖏᑦᑐᖅ – frustrated
ᓂᓐᖓᐅᒪᔪᖅ – angry
ᐱᖏᒐᒃᑐᖅ – worried
ᓄᒫᓱᒃᑐᖅ – sad
ᑲᑉᐱᐊᓱᒃᑐᖅ – scared
ᓯᒡᒐᓱᒃ – jealous
ᐱᒃᑯᓕᔪᖅ – proud
ᖁᔭᓕᔪᖅ – grateful
ᐸᖁᓪᓗᒃ – curious
ᑲᓐᖑᓱᒃᑐᖅ – shy
ᓇᓗᓕᐅᖅᑲᔪᖅ – confused
ᑲᓐᖑᑦᑎᑦᑐᖅ – embarrassed
ᑭᐱᓐᖑᔪᖅ – bored
ᐃᓄᑑᓐᖑᖅᑐᖅ – lonely
ᐱᔪᓇᕆᔪᓐᓃᖅᑐᖅ – discouraged
ᐸᒡᕕᔪᖅ – disappointed
ᐃᓗᐊᖅᓴᖏᑦᑐᖅ – annoyed
ᑲᒪᔪᖅ – uncomfortable
ᐃᓱᒻᒪᕆᒃᑐᖅ – surprised
ᑕᑯᓐᓇᖖᒍᐊᒃᑲᖅ – imaginative